Një lajm i keq për Kukësin. Verilindorët humbin portierin e tyre. Gazetari Drilon Xhepollari raporton në emisionin “Ora Sport“ në “Ora TV“ se Angelo Tafas ka mbyllur përpara kohe sezonin. Portieri i skuadrës së drejtuar nga Dobi ka pësuar një dëmtim në menisk, duke e rënduar së tepërmi gjendjën e tij.
Kjo është hera e dytë që Tafas përjeton një ndëmtim të tillë. Për këtë arsye rikuperimi do të jetë i ngadaltë. Mësohet se gardiani i Kukësit nuk do të jetë në gjendje të luajë sërish mes shtyllave për këtë sezon./Halit Delibashi-Sport Ekspres/