Chelsea do të luajë kundër Dinamos së Zagreb në mbrëmjen e sotme. Londinezët e kanë të siguruar vendin e parë dhe kalimin më tej në Champions League. Por ky takim duhet të ishte një shans për Armando Brojën që të tregonte vlerat e tij, duke parë mungesën e rëndësisë së ndeshjes.
Për më tepër që lojtari u shfaq në konferencën e djeshme për shtyp para ndeshjes krahë trajnerit Potter. Një lëvizje e tillë u duk si konfirmimi i fundit për aktivizimin e Brojës kundër Zagrebit. Por në formacionin zyrtar të publikuar pak minuta më parë, të gjithë janë çuditur kur kanë parë sulmuesin shqiptar të ulur në stol.
Shumë tifozë të Chelsea shprehen në Tëitter se i vetmi kuptim logjik mbi këtë rast është nëse Broja do të luajë nga minuta e parë kundër Arsenal, pasi ndryshe nuk mund të shpjegohet qëndrimi i tij në pankinë edhe me Zagrebin. /Sport Ekspres/