Laçi ka një mision jo të lehtë me Molden e Norvegjisë, por do të te tentojë që ta kalojë edhe këtë raund, ashtu siç surprizon dhe ndaj Anorthosis në turin e parë. Ndonëse kurbinasit janë të fokusuar te ndeshja e së enjtes, sot janë njohur dhe me kundërshtarin e mundshëm që do të kenë përballë në turin tjetër, gjithnjë nëse kalojnë skuadrën nordike.
Kështu, nëse Laçi kalon në turin tjetër do të ndeshet me fituesen e çiftit Hibernians (Skoci)- Asteras Tripolis (Greqi). Normnalisht që shkalla e vështirësisë sa vjen e rritet, por duke qenë se bëhet fjalë për raundin e tretë duket një short i pranueshëm.
Fakti që Molde ka një koeficient të lartë bëri që Laçi të ishte në vazon e skuadrave favorite, duke evituar kështu përballjen me skuadra ‘big’ që nisin aventurën në këtë raund. Pavarësisht kësaj, si fillim bardhezinjtë duhet të bëjnë një tjetër mrekulli.