Milani mundi Lacion dje duke luajtur një ndeshje mjaft të mirë, por lacio pati ankesa të shumta pas ndeshjes, për një gol me dorë shënuar nga Kutrone.
Sulmuesi i ri i Milanit shënoi golin e parë të ndeshjes, kur devijoi në portë një kros, por ndonëse tentoi të godiste me kokë, topi u përplas në dorë dhe shkoi në rrjetë.
Në fushë askush nuk pa gjë dhe futbollistët e Lacios nuk protestuan, ndërkohë që Kutrone nga pamjet filmike duket që ka tentuar të godasë me sy mbyllur dhe nuk e ka lëvizur fare krahun kur ka shënuar.
Megjithatë, prokuroria e Federatës Italiane ka kërkuar provën televizive për të vërtetuar që Kutrone nuk shënoi me dashje në atë mënyrë. Nëse Gjykatësi Sportiv mendon se Kutrone e ka prekur qëllimisht topin me dorë, sulmuesi pezullohet deri në dy ndeshje.
Vetë Kutrone ka komentuar shkurt: “E kam prekur topin pa dashje me dorë, doja ta godisja me kokë. Shpresoj që askush të mos vërë në dyshim ndershmërinë time në fushë”.
#Milan with a massive 3-points, dug deep, looked like a different side but controversy around #Cutrone‘s goal, shoulder or arm? You decide. #MilanLaziopic.twitter.com/aE1aArrMP2
— SerieAchannel (@SerieAchannel) January 28, 2018