Zrinjski ka nisur kampionatin në Bosnje Hercegovinë pas fitores së arritur me Tiranën në Shqipëri. Por këtë herë gjërat nuk kanë shkuar sipas planit për kampionët e Bosnjes. Asgjë më shumë sesa një humbje e marrë nuk kanë arritur dot pas 90 minutave, kundër Zeljezincar, 1-2.
Vendasit shënuan të parët në minutën e 36 me anë të Bilbija. Rezultati do të barazohej në të 64 me Gasal, ndërsa kartoni i kuq i marrë nga Zrinjski në të 81, bëri që miqtë ta shfrytëzonin situatën për të shënuar edhe golin e dytë. Një sinjal i mirë ky për bardheblutë që pas pak ditësh do të luajnë shansin e fundit në Europë. /Sport Ekspres/