Marash Kumbulla nuk po kalon një sezon të qetë te Roma. Futbollisti shqiptar nuk ka qenë në planet e Murinjos dhe ky i fundit e ka bërë të ditur një fakt të tillë. Turpërimi kundër Bodo/Glimtit dukej se ishte momenti i lamtumirës për 20-vjeçarin, por duket se gjërat po ndryshojnë.
Murinjo bëri prapakthehu dhe i ka dhënë disa mundësi Kumbullës në Serie A, të cilat mbrojtësi i Kombëtares kuqezi i ka shfrytëzuar më së miri. Marashi po i tregon trajnerit portugez me statistika se gabohet në gjykimin që ka për të.
CIES ka analizuar të dhënat e OptaPro dhe ka bërë renditjen e lojtarëve më të mirë në 5 ligat kryesore të Europës. Sa i përket Serisë A, Kumbulla rendet si mbrojtësi i tretë më i mirë për paraqitjet e bëra në muajin e fundit. Sipër tij qendrojnë vetëm Demiral dhe Palomino. Ndërkohë në top 10-shen ka vend edhe për Berat Gjimshitin./Halit Delibashi-Sport Ekspres/