Kryeministri i Shqipërisë Edi Rama është në Zvicër, ku ka takuar disa nga homologët europianë, ndërkohë që takimi me kryeministrin kroat Andrej Plenkoviç ka shërbyer jo vetëm për politikën në rajon, por edhe për diçka tjetër me shumë rëndësi.
Rama diskutoi çështjen e Ballist Morinës, që ndodhet i burgosur në Kroaci, e për të cilin siç njofton Kryeministria, Rama ka kërkuar një vendim të drejtë. Është një çështje që zvarritet prej muajsh dhe nuk po gjen zgjidhje, me Serbinë që vazhdon të ushtrojë presion për ekstradimin e Morinës, autori i zbritjes së dronit në sfidën e futbollit Serbi-Shqipëri, që më pas u ndërpre nga trazirat në stadium dhe futja e tifozëve në fushë.