Kryebashkiakja Ademi vizitë në Ulqin, takim motivues me Vllazninë

Vllaznia është në plan të parë në këtë moment! Voltana Ademi ka si problem madhor këtë vit Vllazninë. Që prej fillimit të sezonit, kryebashkiakja dhe njëkohësisht presidente e ekipit Voltana Ademi nuk e ka braktisur ekipin. Kështu ka bërë këtë 2018-të. Dje ajo ka qenë në një vizitë blic në Ulqin për të takuar ekipin dhe për ta motivuar e përkrahur për vitin e ri futbollistik. Ademi ka udhëtuar drejt Ulqinit së bashku me administratorin Gjyrezit dhe lojtarin më të ri të skuadrës, Sedat Berisha. Takimi është zhvilluar në hotel “Dajti”, pronë e një shqiptari, Nexhad Hasanaga, i cili është kujdesur në maksimum që gjithçka të ishte perfekte, aq sa shërbente edhe vetë në restorant. Ademi ka folur gjatë me ekipin dhe në fund ka uruar që 2018-ta të jetë sezoni i kthesës për ekipin e Vllaznisë

Seanca e parë ulqinake – Kuqeblutë nuk kanë kohë për të humbur sepse ditët e qëndrimit në Ulqin janë të pakta, vetëm 12-të tilla, dhe brenda këtij harku kohor, atyre do t’i duhet të bëjnë gjithçka që skuadra të vijë në formën e duhur sportive. Ndaj për këtë, falë edhe afërsisë gjeografike që Shkodra ka me bregdetin ulqinak, skuadra nuk ka vonuar dhe në orët e mesditës së djeshme ka mbërritur në Ulqin, dhe me t’u akomoduar në kampingun sportiv, stafi teknik i drejtuar nga trajneri Gjoka nuk ka hezituar të zhvillojë menjëherë pasditen e djeshme seancën e parë stërvitore. Nga sa bëhet e ditur ka qenë një seancë e plotë dhe me të gjitha elementet e duhura që përmban programi. Të dielën skuadra do të stërvitet dy herë në ditë.

Leave a Reply

Your email address will not be published. Required fields are marked *

where can i buy doxycycline over the counter buy doxycycline online