Kristjan Asllani ka marrë një vëmendje të madhe mediatike përtej Adriatikut. Pas një paraqitjeje jo të mirë të tij dhe të gjithë skuadrës në përballjen kundër Real Sociedadit, u vu në pikëpyetje qendrimi i tij te Interi. Por me lojën e zhvilluar në pjesën e dytë kundër Salernitanës, mesfushori shqiptar duket se i ka ndërruar mendjen Simone Inzagit.
Mediat italiane raportojnë se trajneri i Interit po mendon që ta aktivizojë Asllanin nga minuta e parë në përballjen kundër Bolonjës. Ngjasat janë të mëdha që 21-vjeçari të zërë vendin e Çalhanoglusë në ndeshjen e nesërme, e cila nis në orën 15:00. Me sa duket Asllani do të vijë si titullar në grumbullimin e Kombëtares shqiptare./Halit Delibashi-Sport Ekspres/