Dinamo ka marrë një tjetër humbje në Superiore. Ekipi i Di Biaggio humbi me shifrat 3-0 kundër Egnatias. Në analizën e tij, Lirim Zalla ka vendosur theksin në paraqitjen e dobët të Dinamos. “Dinamon duket sikur e zë bari i fushës. Ata nuk kanë ecuri të mirë në rezultate, për mua nuk kanë ekip.
Ky ekip nuk ka shpresë, që të presësh për më vonë sesi do të shkojë situata, duhet të shpresosh. Kjo skuadër nuk të jep asnjë shpresë. Italianët janë zakonisht shumë qaraman, qajnë shumë në intervista, por Di Biagio u qa në 7 javë, tani nuk ka më se kujt t’i qahet”, tha Lirim Zalla. /Sport Ekspres/