Të bëhesh futbollist i madh, i superpaguar, duke qenë pjesë e klubeve më të mëdhenj në botë, ka edhe “vuajtje”, si ajo e të marrit pjesë në ndonjë orgji.
Këtë e ka zbuluar Hernan Krespo, ish-futbollisti i famshëm argjentinas, i cili ka luajtur për shumë vite në nivele të larta, nga River Plejti, te Parma, Lacio, Interi, Milani e deri te Çelsi në Angli.
I ftuar në një emision televiziv në Argjentinë, ish-sulmuesi pranoi se kishte marrë pjesë në orgji: “Prej moshës 18 vjeç nisa të shkëlqej në futboll dhe deri në moshën 27-vjeçare isha beqar dhe kurrë nuk bashkëjetova me ndonjë femër. I famshëm, i pasur, natyrisht që isha në qendër të vëmendjes dhe mora pjesë edhe në festa e orgji të ndryshme. Më shumë ishin femra, të jetë e qartë”.