Kosova U21 është grumbulluar në Durrës, ku po kryen një kamping për të evidentuar lojtarë cilësorë për të ardhmen. Plot 25 futbollistë janë vënë nën urdhrat e trajnerit trajnerit Arbër Prekazi, ndërkohë që është programuar edhe një ndeshje testuese.
Përballë dardanëve të rinj do të vendoset Besa e Kavajës, kryesuese e grupit B në Kategorinë e Parë. Kjo ndeshje do të luhet në stadiumin “Besa” prej orës 14:00. Klubi kavajas ka dalë edhe me një njoftim për këtë.
“Besa-Kosova U21. Nesër në stadiumin Besa presim kombëtaren u21 të Kosovës në një ndeshje miqësore. Hyrja është falas për të gjithë tifozët. Le ta kthejmë në festë nesër. Shihemi në stadium”, shkruan në komunikatën klubi kavajas.