Kosova U-21 mposhti Andorrën U-21 me rezultatin e ngushtë 1-0, duke hedhur kështu pas krahëve humbjen ndaj Austrisë U-21.
Goli i vetëm i këtij takimi u shënua nga Daku në minutën e 58-të, pas një asisti të Ajdinit. Me këtë fitore dardanët parakalojnë Turqinë U-21 në renditjen e pergjithshme. Shumica e lojtarëve në formacionin kryesor ishin pjesë e ekipit të Superligës kosovare, Llapit dhe ky fakt nuk i ka shpëtuar faqes kryesore të klubit, të cilët kanë publikuar një postim në Facebook ku kanë uruar dhe Kosovën për fitoren.
“Përgëzime për Kosovën U-21 për fitoren në ndeshjen e sotme ndaj Andorës U-21.
Pjesë e këtij suksesi të sotëm ishin edhe tre futbollistët premtues të klubit: Valmir Veliu, Kastriot Semani dhe Hajdin Salihu si dhe golashenuesi i tre pikëve, Mirlind Daku i cili si futbollist profesionist u zhvillua tek ne, poashtu duhet cekur që KF Llapi zotëron përqindje në kartonin e tij.
Vlenë të ceket se KF Llapi kishte më së shumti futbollistë të ftuar në U-21, e cila dëshmon më së miri filozofinë e klubit. /Elio Hajdari-Sport Ekspres/