“Kosova është Serbi”, nis politika anti-Hasi në Greqi

0

 

Trajneri shqiptar do ta ketë të vështirë në një ambient ku urrejtja etnike është i amplifikuar, por s’ka mbaruar. Në Beograd, për Champions League, e pret ferri…

“Këtë herë vendos unë dhe s’kam ndër mend që të dorëzohem përpara tifozëve”. E mbani mend këtë deklaratë të presidentit të Olimpiakosit, Marinakis, një ditë pas prezantimit të Besnik Hasit si trajner i skuadrës kampione të Greqisë?! Ndoshta jo, por fakti është se ai bëri “mburojë” përpara urrejtjes së tifozerisë, pjesës së zjarrtë, që kanë binjakëzim me “Delije”-t e Crvena Zvezdës…

Dhe, nëse mendoni se keni parë gjithçka, ende s’e keni bërë. Hasi pranoi 1,2 milionë eurot në sezon dhe të drejtojtë skuadrën më të madhe në Greqi, por mbylli sytë dhe veshët për pankartat e turpshme “Kosova është Serbi” dhe “Vrite shqiptarin”.  Afrimi i Besnik Hasit në stolin e Olimpiakosit ka sjellë edhe një farë krisje ose përçarje mes tifozerisë së Olimpiakosit, asaj të zjarrtë, pra Gate 7, dhe drejtuesve të klubit, në këtë rast presidentit Marinakis, i cili megjithatë është i bindur në këtë zgjedhje. Dhe, në pritje të sfidës në Serbi ndaj Partizan Beogradit, ku do të jetë ambienti më i keq për Hasin, provokimet e para etnike dhe nacionaliste kanë nisur edhe nga stadiumi i Athinës, por edhe nga gazetarët helenë, pas miqësores me Asteras Tripolis…

Olimpiakosi barazoi 1-1 në një miqësore ndaj Asteras Tripolisit në vazhdën e përgatitjeve për sezonin e ri dhe në konferencën për shtyp, Hasi u prezantua me krenari. “Jam nga Kosova e Shqipërisë”, tha Hasi, teksa e pyesnin në lidhje me pankardën e shfaqur në stadium “Kosova është Serbi”, ndërsa “UEFA është MAFIA” dukej më lart. Por trajneri shqiptar mori një reagim që ngjalli debate nga një gazetar në sallë, që ndezi jo pak opinionin në Greqi, por edhe atë në Serbi.

“Zotëri jeni gabim, Kosova është e Serbisë”, i’u përgjigj gazetari. Një provokim i hapur ky, që irritoi Hasin, i cili nuk e priti aspak mirë. Por, Hasi duhet ta dinte se Greqia nuk e ka njohur Pavarësinë e Kosovës, ashtu sikurse duhet të dinte se polemikat etnike në Ballkan janë më të ashpra dhe urrejtja është më e madhe se kudo në Europë.  Madje, në rast rezultatesh të dobëta, do të nisin protestat e shumta të tifozerisë.

You might also like
Leave A Reply

Your email address will not be published.