Kontratë profesioniste për Bolt? Trajneri e nxjerr blof

0

Kohët e fundit është diskutuar shumë në lidhje me ish-atletin rekordmen, Usain Bolt, i cili kërkon që të bëhet një futbollist profesionist. Usain Bolt ishte në një provë tek ekipi australian i Central Coast Mariners, të cilët luajnë në Ligën A të Australisë.

I pyetur nga mediat vendase agjenti i Bolt, ka deklaruar se klientit të tij i është ofruar një kontratë nga ana e Central Coast. Riki Sims tha shkurtimisht për mediat: “Po, Usain Bolt i është ofruar një kontratë. Nuk dua të bëj komente të tjera për momentin”, ka thënë agjenti i xhamajkanit.

Gjithsesi ditën e sotme skuadra ku Bolt kreu provën, luajti në transfertë ndaj Brisbejn Roar, teksa mori një barazim 1-1 në një ndeshje të vështirë. 32-vjeçari nga Xhamajka nuk ishte pjesë e ekipit dhe në fundin e takimit është pyetur pikërisht trajneri i Central Coast, i cili nuk ka dashur të flasë për këtë temë.

“Ju të gjithë besoj e keni parë vijën tonë të parë të sulmit dhe keni menduar me vete, ku mund të luajë Bolt, apo nuk është kështu? Unë e kuptoj se sa e rëndësishme është kjo çështje për një pjesë të madhe të botës. Këto janë vetëm spekulime. Nuk di asgjë për çfarë po flisni”, përfundoi trajneri Majk Mulvei.

You might also like
Leave A Reply

Your email address will not be published.