Trajneri i durrsakëve, Edi Martini, ka fituar edhe Superkupën e Shqipërisë. Teuta arriti që të fitonte ndaj Vllaznisë në shifrat 3-0, duke e nisur me këmbë të mbarë këtë sezon të ri. Shumë diskutime kishte mbi këtë ekip sa i përket zhgënjimit total që ofroi në Europë.
Eliminim i menjëherëshëm nga “Champions League” dhe dështimi ndaj Shamrock Rovers në “Conference League”. Megjithatë për t’i mbyllur gojën të gjithë kritikëve, Edi Martini flet në gjuhën e trofeve. “Kjo ishte e katërta dhe besoj e shpresoj shumë te e pesta. Si mendoni ju?”