Nga Klaudio Ndreca
“Këta çdo gjë e lidhin me Zotin”, ky ka qenë komenti me batutë para disa kohësh nga ana e trajnerit të Teutës, Edi Martini, sa i përket ecurisë së Tiranës që kur në krye erdhi Egbo. Duke theksuar qartësisht se bardheblutë kanë një ndihmë të jashtëzakonshme nga fati për mënyrën sesi po i fitonin ndeshjet e tyre.
Këtë herë durrsakët do të presin në shtëpi Tiranën dhe gjithë Superiorja është me sytë nga Teuta. Pathyeshmëria e kryeqytetasve vazhdon të mmos lëkundet, por këtë herë do të kërkohet me ngulm nga ana e kundërshtarit, që të bëj gjithçka vetëm për t’i sjellë Tiranës humbjen e parë. Por sa do t’ia arrijë Teuta në takimin që do të luhet në orën 20:00? Kjo mbetet ende për t’u parë, ndërsa fati vazhdon të mbajë veshur fanellën…bardheblu. /Sport Ekspres/