Egnatia ka arritur që të fitojë me shifrat 3-0 kundër Vllaznisë. Ekipi i drejtuar nga Tetova tregon edhe njëherë tjetër se ka seriozisht në këtë vit për të fituar titullin kampion. Gjithçka u mbyll që në pjesën e parë në ditën e sotme.
Goli i parë i takimit u shënua nga Ndreca në minutën e 23, i cili tregoi edhe njëherë tjetër klas me të majtën e tij. Nga krahu tjetër, në të 31 ishte Paulauskas që dyfishoi shifrat. Për t’i vendosur kapakun kësaj historie mendoi Isgandarli në të 41, duke mos i lënë asnjë mundësi reagimi Vllaznisë. Më poshtë gjeni intervistat e trajenrëve për “MCN TV”:
Osmani: “Është e vërtetë, kështu nuk shkon, diçka duhet të ndryshojë. Sot nuk e kuptuam se kur ishte momenti për të sulmuar dhe kur ishte momenti për t’u mbrojtur. Kemi bërë edhe analiza sesi të mos pësojmë këto gola dhe në mënyrë të ngjashme e pësojmë. Duhet të bëjmë më mirë sesa kaq. Duhen përforcime me patjetër në janar, na duhen përforcime të vërteta. Por kemi edhe tre ndeshje për të luajtur dhe duhet të vazhdojmë më tej”.
Tetova: “I kemi fituar ndeshjet e fundit me Vllazninë në drejtimin tim, është e vërtetë, por kjo nuk do të thotë se ne do të fitojmë gjithmonë me Vllazninë. Vllaznia është në një moment të keq, me ndërrime trajnerësh. Duhet t’i jap meritat Vllaznisë që në pjesën e dytë ktheu Krymin në qendër të mbrojtjes dhe u kthye me tre. I kënaqemi këtij tre pikëshi dhe duam që të kemi vazhdimësi”.