Laçi hodhi një hap fals në rrugën drejt titullit duke barazuar pa gola kundër Kastriotit ndeshjen e sotme. Por pas përfundimit të këtij takimi, kurbinasit kanë lëshuar një deklaratë të fortë dhe të befasishme për kundërshtarin e tyre të ardhshëm, Partizanin. Bardhezinjtë akuzojnë kryeqytetasit për fitre pa djersitur në fushën e lojës, e madje nuk nguron ti etiketojë me nofkën ekip “piktorash”.
“Barazojmë 0-0 kundër Kastriotit, në transfertë, një rezultat që nuk i shkon për shtat objektivave që klubi ka. Duke parë rezultatet dhe lojërat javë pas jave në kampionat, vetvetiu lind një pyetje, deri kur disa ekipe do të fitojnë pa djersitur? Kështu do Partizani të dalë kampion?
Të mërkurën ekipin ynë do djersijë fort, për të marrë tre pikët kundër tyre. Keqardhje që luhet pa publik, për të gjithë në fushën e blertë do bëjnë maksimumin, ndryshe nga se kanë bërë disa ekipe “piktorash” . Para Laçi!”, shkruan klubi i Laçit./Halit Delibashi-Sport Ekspres/