Shqiptari Elvis Gashi kishte ndeshjen e tij më të rëndësishme në karrierë, teksa përballej me marokenin Beztati për titullin kampion të peshave të lehta në Kickbox. Gashi renditej në vendin e tretë në botë dhe ishte favorit për të fituar këtë sfidë.
Raundi i parë filloi mjaft mirë për Gashin, i cili e hodhi kundërshtarin në tokë dhe dukej sikur rezultati po shkonte në favor të tij. Por fatkeqësisht për Gashin, në katër raundet e tjera Beztati ishte më dominant, duke fituar këhtu sfidën.
Elvis Gashi humbi mundësinë për të fituar titullin e kampionit të botës me flamurin shqiptar. Ai është trajneri i Kickboxit të luftëtarit të MMA, Denis Buzukja. /Elio Hajdari-Sport Ekspres/