Nga Klaudio Ndreca
Qazim Laçi është një tjetër legjionar që ka shpërthyer në këtë sezon. Me ekipin e Ajacios është kthyer në një titullar të padiskutueshëm, duke e ndihmuar shumë skuadrën që të kap një vend në “Play-Off” për të kërkuar ngjitjen në elitën e Francës.
Skuadra e mesfushorit shqiptar do të luajë kundër Nimes, për të shpresuar që sezonin e ardhshëm të marrë pjesë në “Ligue 1”. Për këtë arsye Ajacio ka mbajtur elementët më të mirë duke i ofruar edhe kontrata të reja.
Qazim Laçi ka firmosur në ditën e djeshme dhe do të jetë pjesë e kësaj skuadre deri në vitin 2023. Për shërbimet e tij ishte i interesuar edhe Bradfordi nga “League Two” në Angli, megjithatë dëshira e lojtarit shqiptar është që të shkëlqejë në elitën e Francës. /Sport Ekspres/