Keidi Bare në stërvitje te Malaga, aventura nis në “malore”

0

E shtuna e 1 shtatorit ishte dita e parë e stërvitjes për Keidi Baren te Malaga. I transferuar në klubin e Segunda Division (kategoria e dytë spanjolle), mesfushori kuqezi duhet të luftojë për vendin e tij në skuadrën andaluziane.

Faqja zyrtare e Malagas konfirmoi se 21-vjeçari do të përgatitet me ekipin e parë, të drejtuar nga trajneri Muniz, por fillimisht do të aktivizohet me ekipin e rezervave. Bëhet fjalë për Atletiko Atletiko Malagenjo, që militon në kategorinë e tretë.

Në ekipin B të Malagas, Bare duhet të tregojë vlerat dhe të fitojë besimin e stafit teknik, për të siguruar më tej hapësirat e tij në “La Rosaleda”. Një mënyrë për të luajë në mënyrë të vazhdueshme dhe të vijojë rritjen, pas largimit nga Atletiko e Madridit.

You might also like
Leave A Reply

Your email address will not be published.