Florian Marku është rikthyer në Shqipëri, por këtë herë jo për të vizituar familjarët e tij. Boksieri shqiptar do të ndeshet në ditën e nesërme në Air Albania, duke përmbushur dëshirën e tij të madhe. Por nga ana tjetër nuk ka pasur të njëjtin impakt që pritej tek tifozët shqiptarë.
Ndoshta e nisur edhe nga emri i kundërshtarit që nuk është më i miri i mundshmi, deri në orën 12:00 të ditës së sotme janë shitur 7000 bileta. Gjithashtu duhet thënë se duke pasur këtë lloj interesimi, është përdorur edhe politika që shitja e biletave të bëhet falas për personat që kanë “Kartë Studenti”. /Sport Ekspres/