Ndryshimet në futboll shpesh bëhen për mirë, për të ndalur ndërhyrjet e dhunshme, për të evituar vonesat e lojës e shumë ndryshime që ndër vite janë pranuar si logjikë.
Megjithatë, jo gjithnjë ndryshimi vjen për mirë. Mbetet ende për t’u parë si do të funksionojë teknologjia e arbitrit shtesë, sepse ka plot dyshime, por ndryshimi më qesgarak duket ai i penalltive.
Prej shumë e shumë vitesh jemi mësuar me rregullin e thjeshtë: barazim, penallti, shorti vendos kush gjuan i pari e kështu me radhë, deri te penalltia e pestë, apo edhe më tej.
Tani FIFA e UEFA kanë arritur në përfundimin se ai që gjuan penallti i dyti, ka më shumë presion psikologjik mbi vete.
Si i bëhet? Rregullorja e tenisit i përshtatet futbollit: gjuan i pari lojtari i skuadrës A, pastaj dy herë rresht skuadra B, dy herë rresht skuadra A…
Po bëhen prova, edhe dje në Superkupën e Anglisë, por sistemi ABBA është bërë qesharak dhe ka hutuar edhe vetë lojtarët. Kaos tital, rregull i kotë, shumë shpejt do braktiset.