Kamza kantier, stadiumi po ndryshon fytyrë

Ngjitja në Superiore ka entuziazmuar Kamzën, por natyrisht në elitë duhet edhe një stadium serioz. Për këtë arsye, këtë verë po punohet me ritme të larta që stadiumi i Kamzës të ribëhet thuajse i ri.

Klubi kamzali njofton se fusha do të ketë një tapet të ri, me bar natyral, por ndërkohë po punohet me ritme të larta edhe në dhomat e zhveshjes, për t’i modernizuar.

Duket qartë se Kryetari i Bashkisë, Xhelal Mziu, dhe presidenti i klubit, Naim Qarri, kanë një bashkëpunim të shkëlqyer dhe po ndjekin nga afër në mënyrë të vazhdueshme punimet, me synimin që Kamza t’i luajë ndeshjet e Superiores në shtëpi dhe në një ambient modern.