FIFA 21 do të lancohet sot në treg dhe janë vërtet të shumtë në numër përdorësuesit që do presin të luajnë me ekipet e tyre të zemrës dhe me lojtarët që do të jenë në mënyrë identike me paraqitjet që kanë bërë gjatë këtyre kohëve.
Por një futbollist i Shqipërisë ka nderin që të parakaloj Halandin dhe Kulusevskin, për t’u shpallur si lojtari që ka më shumë përmirësime te FIFA 21 krahasuar me sezonin e fundit. E kush tjetër? Marash Kumbulla!
Futbollisti që tanimë i përket Romës ka kaluar me fuqinë 75 dhe me një rritje potenciale që mund të shkojë deri në 85, ndërsa në edicionin e shkuar ishte 60. Kjo është rritja më e madhe që i bëhet një lojtari në këtë sezon, ndërsa për FIFA 21 shpallet Lionel Mesi si më i miri. /Sport Ekspres/