Moment vendimtar për të ardhmen e Ergys Kaçes, i cili dje shkoi më kot në Qipro, sepse transferimi tek APOEL-i u prish nga tifozët ultras, si pasojë e fotos së famshme të Kaçes me bluzë të UÇK-së.
Sot Kaçe është në Athinë, ku po bisedon me drejtuesit e Panathinaikosit.
Nuk varet vetëm prej tij, sepse PAOK Panathinaikos po bisedojnë për disa lojtarë dhe Kaçe pret që dy klubet të gjejnë marrëveshjen, që është ende larg.
Gjithsesi, PAOK dëshiron ta lërë Kaçen të paktën deri në verë në huazim dhe Panathinaikosi ka interes ta marrë në huazim, sepse nuk ka fonde për të blerë lojtarë.