Tirana do të luajë ndeshjen e kthimit në datën 20 korrik. Bardheblutë do të përballen me Dinamon e Batumit në Gjeorgji për një biletë për në turin e dytë kualifikues të Ligës së Konferencës. Ndërkohë UEFA ka caktuar arbitrat që do të ndajnë drejtësinë në këtë sfidë.
Fabio Mareska është arbitri që do t’i fryjë bilbilit në duelin Dinamo Batumi-Tirana. Një emër i njohur në fushën e arbitrimit, teksa ka gjykuar edhe klubet e mëdha të Italisë në ndeshjet e Serisë A. Në rolin e asistentëve do të jenë Xhorxho Pereti dhe Dario Garceli. Ndërkaq, Mateo Marketi do të kryejë pozicionin e aribtrit të katërt./Halit Delibashi-Sport Ekspres/