Juventusi nuk gjendet në lartësinë e duhur vitet e fundit, prandaj kërkon riformatimin e skuadrës. Bardhezinjtë hartojnë projektin e së ardhmes, ku kryefjala janë talentet e reja. Pas blerjes së Vlahoviçit, “zonja e vjetër”hedh sytë nga Empoli për të siguruar lojtarë të rinj që pritet të jenë të vlefshëm për vitet e ardhshme.
Sipas “Tuttosport“, radarët e Juventusit janë kthyer nga Kristjan Asllani. Lojtari shqiptar po bën një sezon mjaft pozitiv në debutimin e tij në Serie A me Empolin, duke tërhequr kështu vëmendjen e klubeve të mëdha italiane. Gjithashtu, në vëzhgim nga bardhezinjtë ndodhet edhe Matia Viti./Halit Delibashi-Sport Ekspres/