Rei Manaj ishte heroi i Barcelonës në miqësoren e zhvilluar me Gimnastic. Tripleta e tij në debutimin me ekipin A të katalanasve solli një rritje të kërkesave në treg, gjë që ishte edhe qëllimi i aktivizimit të sulmuesit të parë në këtë takim. Tashmë nuk është vetëm Sasuolo interesim nga Serie A.
Manajn e kërkon një tjetër klub i elitës italiane. Bëhet fjalë për Venecian, e cila këtë sezon ka prekur një sukses historik duke u kualifikuar pas shumë e shumë vitesh në Serie A. Venecia po mendon të krijojë një grup konkurues për sezonin e ri dhe emri i lojtarit shqiptar i josh për të plotësuar majën e sulmit./Halit Delibashi-Sport Ekspres/