Partizani ka humbur në shifrat 0-1 ndaj Skënderbeut duke e komplikuar situatën e titullit kampion. Të kuqtë ishin favorit për ta fituar takimin ndaj korçarëve që vinin të ngarkuar psikologjikisht nga situata e vështirë që po kalojnë në këtë kampionat, duke mos i shpëtuar zonës së ftohtë të renditjes.
Ndërkohë legjenda e të kuqëve, Edmond Dosti, ka kritikuar hapur lojtarët e Partizanit. I pari që duartroket kur ekipi është në rrugën e duhur dhe i pari kur sheh se diçka shkon keq me skuadrën. Por këtë herë nuk bëhet fjalë për përgjegjësi të trajnerit, teksa gjithçka rëndon mbi lojtarët që kishin fituar vetëkënaqësi të tepruar. /Sport Eksres/
