Gjergj Stefa është pjesë e panelit të emisionit “Kuq e Zi” në “Supersport”, ku ka diskutuar mbi ndeshjet që e presin ekipin tonë kombëtar. Gazetari i njohur ka theksuar faktin se me ardhjen e Silvinjos, polemikat në studiot televizive janë rralluar ndjeshëm. Sipas tij, ndryshe ndodhte në kohën kur në krye të Kombëtares shqiptare qendronte Reja dhe Panuçi.
“Për herë të parë shoh që në studiot televizive, polemikat përpara ndeshjes janë sa herë e më të pakta. Kjo tregon që trajneri i bën gjërat sipas një llogjike të caktuar. Në kohën e Rejës dhe të Panuçit ne diskutonim me orë të tëra para ndeshjes, ndërsa për Silvinjon diskutimi i vetëm është mungesa e Abrashit. Ne jemi në një moment aq të mirë, sa nuk e kemi vërë re që Armando Broja, ylli i Shqipërisë, mungon“, ka thënë Gjergji Stefa./Halit Delibashi-Sport Ekspres/