Milani ka hyrë seriozisht në garë për të transferuar Armando Brojën. “Standard” bëri me dije se Chelsea ka refuzuar ofertën e parë të Milanit për të marrë Armando Brojën në formën e huazimit me të drejtë blerje.
Për shkak të situatës që ka Pochetino tani me sulmuesit te londinezët, Broja duhet më shumë se kurrë më parë. Sulmuesi pritet që të kthehet nga dëmtimi dhe të rivalizojë Jackson për vendin e titullarit.
Nga krahu tjetër, gazetari italian pranë Milanit, Daniele Longo, vjen me një lajm të fundit. Gazetari i Calciomercato thekson se Milani po vazhdon të insistojë te Chelsea për të marrë Brojën me të njëjtën formulë, huazim me të drejtë blerje. /Sport Ekspres/