Pothuajse të gjitha mediat botërore raportuan se Kristiano Ronaldo është në prag të nënshkrimit me Al Nassr. Gjithçka supozohet se është gati për ekzaminimet mjekësore, pas të cilave Ronaldo do të nënshkruajë kontratën dhe do të nisë sfidën më interesante në karrierën e tij të pasur.
Al Nassr tani për tani hesht dhe trajneri Rudi Garcia u pyet edhe një herë për nënshkrimin e mundshëm të Ronaldos. Ai iu shmang përgjigjes dhe vendosi t’i bënte të gjithë të pranishmit të qeshin. “Doja të sillja Messin nga Doha”, tha Garcia. Ndoshta Ronaldos nuk do t’i pëlqejë kur krahasohet me rivalin e tij të madh Messin, por paratë sigurisht që do të heqin zemërimin. /Elio Hajdari-Sport Ekspres/