Mauricio Pochettino është trajneri i ri i Chelsea-t, të cilit i ështëbesuar detyra për të rikthyer skuadrën në majat e futbollit anglez. Argjentinasi ka thënë fjalët e tij të para si trajner i bluve të Londrës, përmes një interviste për faqen zyrtare të klubit. Pochettino është shprehue se ka ardhur në klubin më të madh të viteve të fundit në Angli. Gjithashtu përcjell edhe një mesazh për lojtarët, duke thënë se tifozët duhet ta ndjejnë se futbollistët janë gati të vd.esin për Chelsea-n.
“Ishte shumë e lehtë që t’i thoja po Chelsea-t. Do të punojmë fort, do të luajmë në njëvmënyrë që tifozët ta shijojnë futbollin. Historia e Chelsea-t është që të fitojë dhe të jetë në majë. Nuk mund të kemi ulje dhe ngritje. Në 10,12, 15 vitet e fundit Chelsea është ekipi më i madh në Angli. Do të luftojmë deri në fund për stemën. Kjo është gjëja më e rëndësishme. Tifozët duhet ta ndjejnë që të gjithë lojtarët janë të gatshëm të vd.esin për klubin”, ka deklaruar Mauricio Pochettino./Halit Delibashi-Sport Ekspres/