“Jemi tifoz me dojçët!” do të përgjigjeshin padiskutim 70% e shkodranëve nëse i pyet, teksa sigurisht që ka edhe një pakicë me Italinë, por edhe me Brazilin… Kombëtaret e tjera janë të panjohura nga ato anë, në vatrën e futbollit shqiptar dhe aty ku padiskutim mund të quhet “Amsterdami” shqiptar, nga qarkullimi me biçikleta. Dhe, nëse ka një kombëtare e cila në këto dekadat e fundit i ka ardhur “hakut” Gjermanisë, ajo është Italia. Pikërisht Italia që do të luajë në “Loro Boriçi”. Sepse, festa e shkodranëve me flamujt e Gjermanisë, në Botërorin e fituar nga skuadra e Lëvit në vitin 2014, është ende në kujtesën e të gjithëve… por edhe Botërori i fituar nga Italia në Gjermani në vitin 2006…