Espanjoli do të jetë njëri prej 3 ekipeve që do i bashkohet La Ligas sezonin e ardhshëm, e së bashku me të edhe Keidi Bare. Skuadra katalanase shpërtheu në festë pasi siguroi biletën për në elitë dhe ishte pikërisht ky momenti kur në kampin bardheblu zbuluan një anë tjetër të mesfushorit shqiptar, atë të mjeshtrit të festave.
Këtë e pranon edhe shoku i tij i skuadrës, Oskar Melendo, i cili zbulon se Bare është krejtësisht ndryshe jashtë fushave të blerta. “Java e ngjitjes në La Liga ishte shumë e bukur. Keidi Bare ishte një zbulim. Jashtë fushës është krejtësisht ndryshe, ai ishte mbreti i festës”, ka thënë Oskar Melendo./Halit Delibashi-Sport Ekspres/