Futbolli i femrave po zhvillohet përditë e më shumë dhe diçka e tillë i ka ndodhur dhe ekipit të Romës. Skuadra e femrave e drejtuar nga trajneria Elisabeta Bavanjoli, do të debutojë nesër në kampionat përballë Sasuolos.
Skuadra e femrave të Romës ka hapur faqen e saj zyrtare në “Twitter”, pak orë përpara ndeshjes dhe një përdorues ka shkruar komentin e parë. Një koment tipik i atyre që nuk janë shumë pro futbollit të femrave, që po përparon dhe shtrihet në shumë vende.
“Kthehuni në kuzhinë”, shkruante një nga komentuesit, por nuk ka vonuar reagimi i vajzave të Romës. “Komplimente, jeni fituesi krenar i çmimit tonë të parë ‘Idioti i ditës’!”
Congratulations Andre, you are the proud winner of our first ever @ASRomaWomen Idiot of the Day award! https://t.co/qWgiU6Hese
— AS Roma Women (@ASRomaWomen) September 21, 2018