Barazimi i Milanit ndaj Udineses i erdhi si një dhuratë Interit, që kishte mundësinë për të rimarrë vendin e parë. Megjithatë, zikaltërit ndjekin pas “kushërinjtë” me rezultatet negative. Skuadra e Inzaghit u ndal në barazim 0-0 me Genoan, duke qëndruar kështu përsëri në vendin e dytë.
Ndeshja u dominua totalisht nga Interi në të dyja pjesët por pa arritur të gjejë rrjetën. Tashmë situata është kritike për zikaltrit, pasi që prej ndeshjes me Liverpool nuk ka shënuar asnjë gol. Nëse Napoli arrin të fitojë të dielën përballë Lazios do të zbriste në vendin e tretë Interin./Elio Hajdari-Sport Ekspres/