Puna në merkato për Interin nuk po përqendrohet vetëm në ekipin A, por edhe në sektorin e moshave. Drejtuesit zikaltër kanë hedhur sytë nga Irlanda, atje ku kanë pikasur një talent shqiptar. Bëhet fjalë për Kevin Zefin, i cili është edhe rekordmen në futbollin irlandez, duke qenë lojtari më i ri (15 vjeç) që arrin të shënojë në këtë kampionat.
Sipas “SempreInter.com“, klubi italian ka gati një kontratë 3-vjeçare për futbollistin shqiptar. Pasi të lërë Shamrok Rovers, Zefi fillimisht do të bashkohet me moshat e Interit, për të synuar ngjitjen shkallë-shkallë në hierarkinë e zikaltërve./Sport Ekspres/