I rrëmbeu barazimin Vllaznisë, Martini: Jam i dëshpëruar, me 11 kundër 11 mund të merrnim fitoren

Vllaznia nuk arriti ta përmbushte dot “hakmarrjen” kundër Teutës. Kampionët në fuqi të “Abissnet Superiores” i kanë rrëmbyer një barazim 1-1 kuqebluve, pavarësisht se në fushë ishin në inferioritet numerik për më shumë se 45 minuta. Pas përfundimit të ndeshjes Edi Martini është shprehur për mikrofonin e “Supersport” se është i kënaqur për pikën e marrë, por nga ana tjetër e mërzit fakti se nëse loja do të vazhdonte me 11 lojtarë atëherë mund të merrte fitoren.

“Ashtu si erdhi loja, mund ta konsideroj pozitiv. Kur ishim 11 me 11 luajtëm më mirë, qarkulluam topin, patëm raste para porte. Në qarkullim ishim më të qartë, dolëm nga presioni çdo herë. Në rrethana të tilla, kur merr një barazim me 10 lojtarë, të duket i drejtë. Nuk jam i gëzuar në mënyrën se si shkoi loja, i mërzitur se erdhëm sot për të marrë tre pikët. Vinim pas tre fitoresh me gjendje të mirë, e kishim planifikuar ndryshe. Loja ka të papriturat e veta, jam i kënaqur me barazimin por jam edhe i dëshpëruar se me 11 kundër 11 mund të merrnim fitoren.

100 minuta janë shumë, por bashkë kohën që marrin dëmtimet dhe VAR-i është “OK”. Duhet të zbatojmë rregulloren. Lojtarët kanë treguar personalitet në fushë, treguan se janë kampionë. Të luash 55 minuta me një lojtar më pak, të bësh kilometra dhe të shënosh, komplimente atyre. Ne nuk kemi nevojë për grada, kemi nevojë për pikë”, ka deklaruar Edi Martini./Halit Delibashi-Sport Ekspres/

Leave a Reply

Your email address will not be published. Required fields are marked *

where can i buy doxycycline over the counter buy doxycycline online