Rei Manaj finalizoi transferimin e tij në Angli. Sezonin e ardhshëm sulmuesi shqiptar do të mbajë veshur fanellën e Watfordit në Championship. Klubi britanik ka vendosur të njohë tifozët me lojtarin 25-vjeçar me disa fakte dhe statistika mbi karrierën e tij. Watfordi ka shpërndarë në faqen zyrtare disa kuriozitete interesante për Rei Manajn, ku spikat fakti se i kanë mjaftuar vetëm 12 sekonda për të shënuar golin e tij të parë me fanellën e Kombëtares shqiptare.
“Pas njoftimit të transferimit të Rey Manajt te Watford, po hedhim një vështrim në disa nga statistikat, faktet dhe shifrat që rrethojnë sulmuesin shqiptar dhe karrierën e tij.
17 vjeç, 6 muaj e 14 ditë – mosha e Manajt kur bëri debutimin profesional për skuadrën e atëhershme të Serisë C, Cremonese. Ai do të bënte mbi 25 paraqitje për skuadrën italiane dhe do të shënonte golin e tij të parë profesional një muaj më vonë kundër Alessandria Calcio.
51 – gola të shënuar në karrierë. Sulmuesi është shumë i përfshirë në lojën sulmuese, duke shënuar rregullisht një gol ose një asistim.
18 – gola nga penalltia. Manaj është i aftë në konvertimin nga pika, me 35 për qind të golave të tij që vijnë nga 11 metra.
Minuta 85 – Manaj debutoi në Serinë A për Interin kundër Atalantës. Shqiptari iu bashkua zikaltërve në verën e vitit 2015 dhe u përfshi në stërvitjet e ekipit të parë nën kujdesin e Roberto Mancinit. Ai do të fillonte ndeshjen e tij të parë në Coppa Italia kundër Cagliarit.
4 – lëvizjet në huazim. Pasi ka luajtur në Pescara, Pisa, Granada dhe Spezia në formë huazimi, Manaj ka luajtur në një sërë stilesh futbolli në Itali dhe Spanjë.
10,897 – minuta të luajtura në karrierën e tij. Në vetëm 25-vjeç, Manaj ka gëzuar një karrierë prej tetë vitesh. Ai do të jetë i sigurt se do të përdorë të gjithë përvojën e tij në avantazhin e tij në Vicarage Road.
40 – paraqitje për Albacete. Numri më i madh që ka fituar Manaj në një klub të vetëm, futbollisti dinamik kaloi një sezon e gjysmë në klubin spanjoll përpara se të largohej në janar të 2020-ës.
15 – Menaxherët dhe trajnerët. Manaj ka mësuar nga disa prej trajnerëve më të mirë duke përfshirë Mancini, Thiago Motta, Gennaro Gattuso dhe Marco Giampaolo.
12 – sekonda ishte gjithçka që iu desh për të shënuar golin e tij të parë ndërkombëtar. Manaj shënoi golin e parë për Kombëtaren shqiptare kundër Kosovës, duke thyer rekordin e golashënuesit më të ri dhe golin më të shpejtë të shënuar nga një zëvendësues për Shqipërinë.
30 – ndeshje për Kombëtaren e Shqipërisë. Pas paraqitjeve të rregullta për të rinjtë, Manaj është vendosur si një nga lojtarët kyç për vendin e tij në kompeticionet si kualifikueset e Kupës së Botës, kualifikueset për Kampionatin Europian dhe Ligën e Kombeve”, janë faktet e përzgjedhura nga Watfordi për Rei Manajn./Halit Delibashi-Sport Ekspres/