“I çmendur për 35 vite për Zvezdën“, tifozi i Skënderbeut i dashuruar me serbët: Do i mbështes në stadim, mundim 4-0 Tiranën

0

Kur jemi vetëm 2 ditë larg ndeshjes së shumëpritur mes Tiranës dhe Crvena Zvezdës, listës së shqiptarëve që dashurojnë klubin serb i shtohet edhe një tjetër person. Pas Kosta Grillos, është një tifoz i Skënderbeut ai që e thotë hapur se është tifoz i Crvena Zvezdës, madje shton se do të jetë në stadium kundër Tiranës për t’i mbështetur. Kjo dashuri me sa duket nuk është një sekret në Korçë, ku të gjithë e njohin me nofkën Genci serbi, i cili ka dhënë një intervistë për “novosti“ dhe rrëfen gjithë historinë si është i çmendur për Serbinë dhe Crvena Zvezdën.

“Kam 35 vite që jam i çmendur për Crvena Zvezdën. Që fëmijë nisa të shihja futboll dhe të festoja për Zvezdën dhe ajo dashuri ende zgjat. Në zemrën time janë vetëm Zvezda dhe skuadra jonë e Skënderbeut nga Korça, e cila është më e mira në Shqipëri. Dashuria ime për këtë klub serb ka lindur kur Dejan Stankoviç, Dejan Saviçeviç, Darko Pancev, Mitar Mrkela luanin.

Do jem në stadium të martën për të parë ndeshjen dhe bërë të bërë tifozllëk për Zvezdën. Do e mundim Tiranën 4-0. Pjesa e parë do mbarojë 1-0 për Zvezdën, pastaj futbollistët shqiptarë do të lodhen.

E mësova gjuhën serbe nga librat, televizioni dhe radioja, por gjithashtu nga lojtarët e Serbisë që vinin të luanin me Skënderbeun. Vij në Beograd disa herë në vit. Ish-kapiteni i Zvezdës, Ivan Gvozdenoviç, të cilin dilja, ka luajtur këtu.

Unë jam gati të zihem për Zvezdën. Isha në Beograd kur Serbia dhe Kroacia luajtën. Festova për Serbinë. Isha i vetmi shqiptar që erdhi për të bërë tifozeri”, ka thënë Genci./Halit Delibashi-Sport Ekspres/

You might also like
Leave A Reply

Your email address will not be published.