Vllaznia ka vazhduar me një hap më tej kundër arbitrave pas ndeshjes gjysmëfinale të Kupës ndaj Partizanit. Në minutën e fundit do të vinte realizimi i Aralicës me kokë, por që u anulua pas rishikimit të pamjeve me VAR. Alban Xhaferi la të nënkuptohej se shkodranët do të kishin një kërkesë për FSHF pasi u shpreh se Olsid Ferhataj duhet nxjerrë jashtë sistemit.
Ndërkohë “Shkodra Sport” raporton se kërkesa ka mbërritur ku jo vetëm që Olsid Ferhataj dhe Andi Koçi që ishte në VAR nuk duhet të arbitrojnë më Vllazninë, por shkodranët kërkojnë që këta gjyqtarë të mos jenë më pjesë e Superiores. /Sport Ekspres/