Në Itali ende nuk po e kuptojnë që ka marrë fund, nuk do të shkojnë në Kupën e Botës që do të zhvillohet verën e ardhshme në Rusi.
Në vend që të mendojnë për gjetjen e modelit të duhur për ringritjen e futbollit italian, në vendin fqinj ëndërrojnë ripeshkimin në Botëtor.
Para pak ditësh doli lajmi se rregullorja parashikon përjashtimin e ndonjë kombëtareje që i përket një vendi në luftë, ndërsa sot mediat italiane i kanë bërë jehonë një lajmi nga Peruja. Gazeta Libero shkruan se në parlamentin peruan do të propozohet kalimi i Federatës Peruane në kontrollin e qeverisë, diçka e palejuar nga FIFA. Natyrisht, është një ide idiote, që nuk.do të aprovohet në parlament, por në Itali kanë nisur të ëndërrojnë.