Vllaznia është duke kaluar një kohë të vështirë. Pas largimit të Brdaric për shkakun e rezultateve, ekipi nuk po përgjigjet ashtu siç duhet në këto ndeshje ku Plori ka ardhur në kryesim. Më shumë sesa çështje teknike apo taktike, gjithçka ka të bëjë me moralin e ulët të lojtarëve për të vazhduar kampionatin.
E vetmja rrugë ku shkodranët kërkojnë suksesin është Kupa e Shqipërisë dhe në gjymsëfinalen e parë arritën që të barazonin me shifrat 0-0 në transfertë ndaj Partizanit. Menjëherë pas ndeshjes me Kastriotin, te Vllaznia kanë menduar që t’i largojnë pak lojtarët nga mediat dhe të ketë një “heshtje”, në mënyrë që futbollistët të mos shpërqendrohen gjatë përgatitjeve të tyre. /Sport Ekspres/