Bylisi ka vendosur që të largojë trajnerin pas humbjes së thellë me Tiranën. Bellai nuk do të jetë më në drejtimin e ballshiotëve. Drejtuesit e klubit kanë vendosur që të rikthejnë Naxhi Shensoin në krye të skuadrës.
“Klubi ballshiot dhe trajneri Arian Bellai, nisur edhe nga ecuria jo e mirë e ekipit javët e fundit dhe mospasja e rezultateve pozitive, në ndeshjet në shtëpi dhe transfertë, kanë gjetur mirëkuptimin për ta mbyllur me marrëveshje bashkëpunimin. FK Bylis dhe presidenti Besnik Kapllanaj i shprehin mirënjohje trajnerit Arian Bellai për bashkëpunimin, duke i uruar njëkohësisht edhe suksese në vijimin e karrierës së tij.
Ndërkohë vetë presidenti Besnik Kapllanaj konfirmon rikthimin në Ballsh të trajnerit Naxhi Shensoi, një njohje e vjetër në Mallakastër! Nga nesër, trajneri i ri fillon punën me ekipin”, shkruhet në reagim. /Elio Hajdari-Sport Ekspres/