Hendek i frikshëm, Franca vlen 730 milionë më shumë se Kroacia

Franca e Kroacia përballen sot në finalen e madhe të Kupës së Botës, me francezët që nisen favoritë. Një prej arsyeve është vlera e madhe që skuadra franceze ka në merkato, sepse kushton 730 milionë euro më shumë se skuadra kroate, bazuar në shifrat e Transfermarkt.

Didjë Deshamp ka një formacion yjesh, por edhe një stol garancish. Mes 23 të grumbulluarve në kombëtare bien në sy emrat e Grizman e Mbape, të cilët vlejnë përkatësisht 100 dhe 120 milionë euro. Në total Franca vlen 1080 milionë euro, që do të thotë mbi 1 miliard.

Në të kundërt, Kroacia vlen “vetëm” 350 milionë euro. Ivan Rakitiç vjen 50 milionë euro, Modriç e Manxhukiç shumë më pak, 25 dhe 18 milionë përkatësisht, por vetëm për shkak se janë 32 vjeç.

Natyrisht, nuk janë shifra reale, por vetëm vlerësim, sepse nëse Mbape shitet tani, vlen mbi 200 milionë, ndërsa Rakitiç e Modriç vlejnë ende mbi 80-100 milionë, përtej moshës.

Gjithsesi, në futboll për fat nuk ka shumë vlerë çmimi i lojtarëve në treg, sidomos kur bëhet fjalë për kombëtaret, si kemi parë këtë Botëror.

VLERA E FINALISTËVE