Hamshik kalon Maradonën, Napoli feston Krishtlindjet me 3 pikë të arta ndaj Sampdorias

0

Napoli ka mbrojtur kreun e Serisë A duke arritur një fitore të vuajtur kundër Sampdoria-s, me shumë përmbysje e emocione. Përfundoi 3-2 për Napolin, që pësoi gol që në minutën e dytë nga Ramirez, por Alan barazoi në minutën e 16-të. Kualiarela me 11-metërsh shënoi sërish për miqtë në minutën e 27-të, por që në pjesën e parë Insinje e Hamshik përmbysën gjithçka. Në pjesën e dytë nuk pati gola, edhe pse shumë emocione dhe një karton të kuq për Mario Ruin në minutën e 77-të, me Napolin që vuajti jo pak.

Hamshik shënoi një gol të paharrueshëm, sepse u bë shënuesi më i mirë i gjithë kohërave për Napolin, me 116 gola, ndërsa rekordi i Maradonës me 115 gola, që rezistonte prej vitit 1991, është thyer tashmë.

You might also like
Leave A Reply

Your email address will not be published.