Kosova pret mbrëmje e nesërme Zvicrën në stadiumin “Fadil Vokrri“. Në konferencën e sotme për shtyp ishte i pranishëm trajneri Jakin, së bashku me kapitenin e helvetëve, Granit Xhakën. Ky i fundit i është përgjigjur pyetjeve të gazetarëve shqiptarë, por nuk kanë munguar as batutat.
“Trajneri tha që do të shkojë për tre pikët. Por ti si kapiten, a e shtrin dorën për një barazim?”,- ishte pyetja e njërit prej gazetarëve të pranishëm, që ka bërë Xhakën dhe gjithë sallën të shpërthejë në të qeshura. Graniti ka refuzuar të japë një përgjigje, ndërsa më pas ka ndërhyrë trajneri i Zvicrës, i cili ka thënë se vëllazëria është para dhe pas ndeshjes, por në fushë do të tregohen profesionistë./Halit Delibashi-Sport Ekspres/